O, yaşadığı şəhərdə yüksək vəzifədə olan yeganə azərbaycanlı həkimdir
“Vətən uzaqda deyil” proqramının budəfəki qonağı ümummilli lider Heydər Əliyevin təşəbbüsü ilə Səudiyyə Ərəbistanına göndərilən ilk azərbaycanlı həkim Vüqar Süleymanovdur.
Bu barədə Crossmedia.az-a Diasporlarla İş üzrə Dövlət Komitəsindən məlumat verilib.
Məlumata görə Vüqar Süleymanov 1998-ci ildə ümummilli lider Heydər Əliyevin təşəbbüsü ilə Səudiyyə Ərəbistanına göndərilən ilk azərbaycanlı həkimlərdəndir. O, hal-hazırda Əl-Cübeyl şəhərindəki xəstəxanaların birində şöbə müdiri kimi çalışır və tibb sahəsindəki yüksək ixtisası, peşəkarlığı ilə seçilən şəxslərdən biridir.
Elmi fəaliyyətə xüsusi önəm verən həkim Vüqar Süleymanov 2002-ci ildə elmlər namizədi, 2017-ci ildə isə elmlər doktoru elmi dərəcəsi alıb. Soydaşımız Böyük Britaniya, Kanada, Fransa və ABŞ kimi ölkələrdə təhsil alıb, bu ölkələrin cərrahiyyə sahəsindəki təcrübələrinə yiyələnib.
Qeyd edək ki, Azərbaycan Respublikasının Diasporla İş üzrə Dövlət Komitəsinin əməkdaşları Səudiyyə Ərəbistanında azərbaycanlı həkim, tibb elmləri doktoru Vüqar Süleymanovla görüşüb, Komitənin İctimai TV ilə ortaq layihəsi olan “Vətən uzaqda deyil” proqramı üçün müsahibə alıblar.
“Vətən uzaqda deyil” proqramının soydaşımıza həsr olunmuş buraxılışını aşağıdakı linkə keçid edərək izləmək mümkündür:
15:00 30.07.2025
Oxunuş sayı: 1277
