"2024-cü ilin dövlət büdcəsi qarşısına qoyduğu məqsədlərə nail olub" - Deputat
"2024-cü il dövlət büdcəsinin icrası haqqında" qanun layihəsi Milli Məclisə daxil olub.
Mövzu ilə bağlı Milli Məclisin deputatı Vüqar Bayramov Crossmedia.az-a açıqlama verib:
"Qanuna uyğun olaraq hər ilin dövlət büdcəsinin icrası Milli Məclisdə növbəti il müzakirə edilərək qəbul olunur.
O baxımdan prosedur qaydalarına və qanunvericilik tələblərinə uyğun olaraq bu ildə 2024-cü ilin dövlət büdcəsinin icrası Milli Məclisdə müzakirə ediləcək. Bu istiqamətdə artıq müzakirələrin təşkili nəzərdə tutulub. 2024-cü il Azərbaycan üçün vacib illərdən oldu. Bir tərəfdən dövlət büdcəsi hesabına Qarabağ və Şərqi Zəngəzurun yenidən qurulması və bərpası prosesi sürətləndi. Xatırlatmaq lazımdır ki, bu istiqamətdə artıq 20 milyard manatdan çox vəsait ayrılıb. Eyni zamanda digər mühüm məqamlar Azərbaycanın həm müdafiə qabiliyyətinin gücləndirilməsi, bu istiqamətdə ayrılan vəsaitin həcmində artımlar və sosial müdafiənin güclənməsi istiqamətə yönəldilən vəsaitlərdir.
2024-cü ildə sosial istiqamətdə ayrılan vəsaitlərin də sayı artıb. 2024-cü ilin dövlət büdcəsi qarşısına qoyduğu hədəflərə nail oldu. Bu da 2025-ci il üçün xərcləmələr üçün yeni imkanlar yaradır".
Ayhan Ağarzayev
20:42 23.05.2025
Oxunuş sayı: 11333
