Gürcüstanın Baş naziri etirazçıları büdcəyə töhfə verdikləri üçün tərifləyib
Gürcüstanın Baş naziri İrakli Kobaxidze Tbilisi şəhərində keçirilən etiraz aksiyalarının iştirakçılarına təşəkkür edib, onların hər gün dövlət büdcəsinə on minlərlə lari əlavə etdiklərini bildirib.
Crossmedia.az xəbər verir ki, bu barədə Gürcüstan KİV-i məlumat yayıb.
O, etirazçıların hər gün aksiyalar keçirərək büdcəyə müsbət töhfə verdiklərini, ancaq müxalifətin bu məsələdə çətin vəziyyətdə olduğunu vurğulayıb. Kobahidze etirazların çox kiçik bir iştirakçı sayı ilə və qısa müddətə həyata keçirildiyini qeyd edib.
Belə ki, Gürcüstan Parlamentinin 2025-ci ilin fevral ayında qəbul etdiyi qanun dəyişikliyinə görə, etiraz aksiyalarında yol bağlama cəzası 500 lari (təxminən 180 dollar) ilə 5000 lari (təxminən 1800 dollar) arasında artırılıb.
Fatimə Məmmədova
14:48 13.03.2025
Oxunuş sayı: 2535
