Elektrik kəsintiləri Kiyevdə metro və ictimai nəqliyyata təsir göstərib
Kiyev metrosunda elektrik enerjisi ilə bağlı problemlər səbəbindən qatarların hərəkətində fasilələr yaranıb.
Crossmedia.az xəbər verir ki, “TASS” agentliyi bu barədə məlumat yayıb.
Metro rəhbərliyinin açıqlamasına görə, şəhərin sağ sahil istiqamətində yaşıl xətt üzrə qatarların hərəkəti əvvəlki rejimdə həyata keçirilmir. Cənub körpüsündə tətbiq olunan məhdudiyyətlər səbəbindən səhər və axşam pik saatlarında xüsusi hərəkət cədvəli qüvvəyə minib. Həmin körpüdən eyni vaxtda yalnız bir qatarın keçməsinə icazə verilir.
Bildirilib ki, səhər saatlarında Kiyevin sağ sahil rayonlarında və Kiyev vilayətinin bir hissəsində təcili qəza elektrik kəsintiləri elan olunub. Enerji sistemində gərginliyin olmaması səbəbindən şəhərin üç rayonunda ictimai nəqliyyatın hərəkəti də dayandırılıb.
Qeyd edək ki, bundan əvvəl Kiyevdə elektrik enerjisinin kütləvi kəsilməsi nəticəsində bir sıra rayonların işıqsız qaldığı barədə məlumat yayılmışdı.
22:55 09.10.2026
Oxunuş sayı: 62
