ABŞ-Rusiya kəşfiyyat xidmətlərinin telefon danışığı - Bu məsələlər müzakirə olundu
Mərkəzi Kəşfiyyat İdarəsinin (MKİ) başçısı Con Ratkliff ilə Rusiya Xarici Kəşfiyyat Xidmətinin (XKX) rəhbəri Sergey Narışkin arasında keçirilən telefon danışığı, iki ölkə arasında əməkdaşlıq və qarşılıqlı inamın bərpası istiqamətində atılan önəmli addım kimi qiymətləndirilir.
Danışığın əsas mövzuları arasında Moskva və Vaşinqton arasındakı gərginliyin azaldılması, beynəlxalq sabitliyin və təhlükəsizliyin təmin olunması üçün əlaqələrin möhkəmləndirilməsi yer alıb. Həmçinin, xüsusi xidmət orqanları arasında ortaq maraqlar və böhran vəziyyətlərinin idarə olunması məsələlərinə də toxunulub.
Bu telefon söhbəti, Trampın ABŞ prezidenti vəzifəsinə başladığı dövrdən bəri baş verən ilk belə görüşdür.
Crossmedia.az xarici mediaya əsasən xəbər verir ki, hər iki tərəf dialoq və əməkdaşlıq imkanlarını genişləndirmək üçün görüşdü. Hazırda MKİ nümayəndələri isə bu məsələ ilə bağlı rəsmi açıqlama verməmişdir.
Mütəxəssislər, bu addımın gələcəkdə iki ölkə arasında qarşılıqlı anlaşma və sabitliyin bərpasına xidmət edəcəyinə ümid edir.
Mədinə Cəlilova
13:35 12.03.2025
Oxunuş sayı: 11443
