Gündəm

Qərbi Azərbaycan İcmasının Elm komissiyasının iclası keçirilib

Qərbi Azərbaycan İcmasının Elm komissiyasının növbəti iclası keçirilib.

Crossmedia.az xəbər veir ki, Qərbi Azərbaycan İcmasının İdarə Heyətinin sədri, Milli Məclisin deputatı Əziz Ələkbərli tədbiri giriş sözü ilə açaraq milli mədəni irsimizin tədqiqi və təbliği, xüsusilə Qərbi Azərbaycan həqiqətlərinin həm daxili, həm də xarici auditoriyaya çatdırılmasının önəmindən danışıb, bu istiqamətdə İcmanın gördüyü işlərə diqqət çəkib. O, eyni zamanda, İcmanın Elm komissiyasının araşdırdığı mövzuların əhəmiyyətindən bəhs edib.

Müzakirələrdə, həmçinin İcma sədrinin müavini, Elm komissiyasının sədri, Milli Məclisin deputatı, professor Hikmət Babaoğlu, Qərbi Azərbaycan İcması İdarə Heyətinin üzvü, kimya elmləri üzrə fəlsəfə doktoru Nazir Əhmədli, yazıçı-publisist Miraslan Bəkirli, professor Həsən Bayramoğlu, AMEA-nın Tarix İnstitutunun Qərbi Azərbaycan tarixi şöbəsinin müdiri, professor Cəbi Bəhramov, İcmanın İdarə Heyətinin üzvü, tarix üzrə fəlsəfə doktoru Nazim Mustafa, İcmanın İdarə Heyətinin üzvü, filologiya elmləri doktoru, profesor İbrahim Bayramov, dosent Cəlal Allahverdiyev, tədqiqatçı Mirzə Ənsərli və İcmanın aparat rəhbəri Qalib Qasımov çıxışlar edərək, Qərbi Azərbaycan irsinin araşdırılması, təbliği və gələcək nəsillərə çatdırılması ilə bağlı yeni tədqiqatların aparılmasının vacibliyini vurğulayıblar.

Tədbirdə komissiyanın fəaliyyətinin səmərəliliyini təmin etmək məqsədilə bir sıra qərarlar qəbul olunub.