Təyyarə qəzasında həlak olan pilot və ekipaj üzvləri II Fəxri Xiyabanda dəfn edilir - FOTOLENT
Dekabrın 25-də Bakı-Qroznı reysi üzrə uçan təyyarənin qəzaya uğraması nəticəsində həyatını itirən ekipaj üzvləri İkinci Fəxri Xiyabanda dəfn olunur.
Crossmedia.az xəbər verir ki, həlak olan üç ekipaj üzvü - təyyarə komandiri İqor Kşnyakin, pilot Aleksandr Kalyaninov və bələdçi Hökumə Əliyevanın dəfn mərasimində hökumət nümayəndələri, ictimai xadimlər, yaxınları və həmkarları iştirak edir.
Hazırda kapitan İqor Kşnyakinin dəfn mərasimi keçirilir. Məkan, mərhumun ailəsinə və yaxınlarına başsağlığı vermək üçün gələn insanlarla doludur.
Faciə zamanı həyatını itirən ekipaj üzvlərinin peşəkarlığı və fədakarlığı daim hörmətlə xatırlanacaq.
Maral Şahverdili
Sevinc Abuşova
Emil Nağızadə
13:26
Bakı-Qroznı reysini yerinə yetirən “Embraer-190” tipli sərnişin təyyarəsinin qəzaya uğraması nəticəsində həlak olan ekipaj üzvləri Heydər Əliyev Beynəlxalq Aeroportundan dəfn üçün II Fəxri xiyabana gətirilib.
Crossmedia.az xəbər verir ki, həlak olanlar arasında olan ekipaj üzvləri – pilotlar İqor Kşnyakin, Aleksandr Kalyaninov və bələdçi Hökumə Əliyeva bu gün II Fəxri xiyabanda dəfn olunacaqlar.
Xatırladaq ki, bu gecə “Azərbaycan Hava Yolları” aviaşirkətinin J2-8243 nömrəli Bakı-Qroznı reysini yerinə yetirən “Embraer 190” təyyarəsinin Aktau şəhəri yaxınlığında qəzaya uğraması nəticəsində həlak olan 3 ekipaj üzvünün (pilotlar İqor Kşnyakin, Aleksandr Kalyaninov və təyyarə bələdçisi Hökümə Əliyeva) və 21 sərnişinin nəşləri Bakıya gətirilib.
Qeyd edək ki, daha öncə bu qəzada həlak olan 4 nəfərin nəşi və yaralanan 14 nəfər Bakıya gətirilib.
Xatırladaq ki, dekabrın 25-i Bakı-Qroznı marşrutu üzrə uçan "Embraer 190" sərnişin təyyarəsi Aktaunun hava limanından 3 km məsafədə qəzaya uğrayıb.
Aktau şəhərində qəzaya uğrayan Bakı-Qroznı reysini yerinə yetirən “Embraer 190” təyyarəsində 62 sərnişin, 5 ekipaj üzvü olmaqla, ümumilikdə 67 nəfər olub. Hadisə nəticəsində 38 nəfər həlak olub, 29 nəfər isə yaralanıb.
09:56 29.12.2024
Oxunuş sayı: 14112
