Putin “faciəvi hadisə” ilə bağlı üzr istəyib, lakin Azərbaycan təyyarəsinin vurulmasını təsdiqləməyib
Putin “faciəvi hadisə” ilə bağlı üzr istəyib, lakin Azərbaycan təyyarəsinin vurulmasını təsdiqləməyib.
Crossmedia.az "Associated Press"-ə istinadən xəbər verir ki, Rusiya Prezidenti Vladimir Putin şənbə günü Azərbaycan hava yollarına məxsus təyyarənin Qazaxıstanda qəzaya uğraması və 38 nəfərin həlak olması ilə əlaqədar Azərbaycan Prezidenti İlham Əliyevdən üzr istəyib. Lakin Moskvanın hadisəyə birbaşa məsuliyyət daşıdığını təsdiqləməkdən yayınıb.
Putinin üzrxahlığı, təyyarənin Rusiya hava hücumundan müdafiə sistemləri tərəfindən Ukrayna pilotsuz təyyarə hücumunu dəf etmək cəhdləri zamanı vurulduğuna dair iddiaların artdığı bir vaxtda baş verib. Hadisənin Qroznı yaxınlığında yerləşən Çeçenistanın regional paytaxtı ətrafında baş verdiyi bildirilir.
Şənbə günü Kreml tərəfindən yayımlanan rəsmi bəyanatda, hava hücumundan müdafiə sistemlərinin çərşənbə günü Qroznı hava limanı yaxınlığında atəş açdığı və təyyarənin bir neçə dəfə orada enməyə çalışdığı qeyd olunub. Lakin bəyanatda təyyarənin bu sistemlər tərəfindən vurulduğu açıq şəkildə təsdiqlənməyib.
Bəyanatda Putin, Azərbaycan Prezidenti İlham Əliyevə “bu faciəvi hadisənin Rusiya hava məkanında baş verdiyi üçün” üzrünü ifadə edib.
Nabat Fərzəliyeva
19:26 28.12.2024
Oxunuş sayı: 11011
