Ofisiantın masaya tez-tez baxması nə deməkdir?
Restoranlarda ofisiantların qonaqlara birbaşa “getmək vaxtıdır” demək əvəzinə müxtəlif nəzakətli işarələrdən istifadə etdiyi bildirilir.
Crossmedia.az xəbər verir ki, “Vince” bu barədə məlumat yayıb.
Məqalədə qeyd olunur ki, restoran mədəniyyətində personal müştəriləri narahat etməmək üçün adətən dolayı ifadələrdən və jestlərdən istifadə edir. Xüsusilə restoranın bağlanma vaxtı yaxınlaşdıqda zalda müxtəlif dəyişikliklər və qeyri-verbal siqnallar müşahidə oluna bilər. Ən geniş yayılmış işarələrdən biri müştəriyə hesabı təqdim etməyi təklif etməkdir. Ofisiant adətən “Hesabı gətirim, yoxsa başqa bir şey sifariş etmək istəyirsiniz?” kimi sual verir. Bu ifadə müştəriyə seçim imkanı yaratsa da, yeməyin artıq başa çatmaq üzrə olduğunu da bildirir. Hesab masaya gətirildikdən sonra müştərilər getməyə tələsmədikdə isə ofisiant hesabın düzgün hesablandığını və ya hər hansı sualın qalıb-qalmadığını soruşa bilər.
03:20 23.08.2026
Oxunuş sayı: 56
