Gürcüstan və Ermənistan xüsusi xidmət rəhbərləri görüşdü
Gürcüstan Dövlət Təhlükəsizliyi Xidmətinin rəhbəri Gela Geladze ilə Ermənistan Xarici Kəşfiyyat Xidmətinin rəhbəri Kristine Qriqoryan Tbilisidə görüş keçirib.
Crossmedia.az xəbər verir ki, bu barədə Gürcüstanın Dövlət Təhlükəsizliyi Xidməti məlumat yayıb.
Görüşdə Gürcüstan və Ermənistan arasında xüsusi xidmət və güc strukturları arasında əməkdaşlığın dərinləşdirilməsi perspektivləri müzakirə olunub.
Tərəflər beynəlxalq təhlükəsizliyə qarşı mövcud çağırışların birgə qarşısının alınması istiqamətində əməkdaşlığın və konstruktiv dialoqun vacibliyini vurğulayıblar.
Kristine Qriqoryan səfəri çərçivəsində Ermənistan nümayəndə heyəti ilə birlikdə Gürcüstanın kəşfiyyat qurumunu da ziyarət edib və qurumun rəhbər şəxsləri ilə işgüzar görüş keçirib.
12:52 22.08.2026
Oxunuş sayı: 53
