Xarici xəbərlər

Yəmən ordusu Bab əl-Məndəb boğazına nəzarəti ələ keçirdiyini açıqladı

Yəmən hökumətinin qüvvələri strateji əhəmiyyətli Bab əl-Məndəb boğazı ətrafındakı əraziləri husilərdən geri aldıqlarını açıqlayıblar.

Crossmedia.az xəbər verir ki, Yəmən ordusunun sözçüsü hökumətyönlü qüvvələrin “Yəmənin Şəfəqi” adlı hərbi əməliyyat çərçivəsində Bab əl-Məndəb ərazisinə nəzarəti ələ keçirdiyini bildirib.

Məlumata əsasən, hökumət qüvvələri həmçinin Dubab hava limanını nəzarətə götürdüklərini və Dubab ilə Moha şəhəri arasındakı yolu kəsdiklərini açıqlayıblar.

Bab əl-Məndəb boğazı Qırmızı dənizi Ədən körfəzi ilə birləşdirən və beynəlxalq dəniz ticarəti üçün mühüm əhəmiyyət daşıyan strateji su yoludur.

Mövzular:

Yəmən hökuməti Bab əl-Məndəb boğazı Qırmızı dəniz Ədən körfəzi Yəmənin Şəfəqi Yəmən ordusu husilər dəniz ticarəti

🖨 Çap et

18:42 09.10.2026

Oxunuş sayı: 59