Şuşa şəhər Peşə Təhsili Mərkəzinin əsaslı təmirinə ayrılacaq vəsait məlum olub
Şuşa şəhər Peşə Təhsili Mərkəzinin əsaslı təmiri işləri aparılacaq.
Bu barədə Crossmedia.az dövlət satınalmalarının vahid internet portalından məlumat əldəedib.
Məlumata görə, artıq bununla bağlı Elm və Təhsil Nazirliyinin Təsərrüfat Hesablı Əsaslı Tikinti və Təchizat İdarəsi hazırlıq işlərini yekunlaşdırıb.
İdarə sözügedən işlərin icrasını “İdeal TM” Qapalı Səhmdar Cəmiyyətinə (QSC) həvalə edib və onunla dəyəri 6,4 milyon manat olan müqavilə bağlayıb.
Qeyd edək ki, Peşə Təhsili Mərkəzinin əsaslı təmir işlərini icra edəcək “İdeal TM” (QSC) 2018-ci ildə dövlət qeydiyyatına alınıb. Nizamnamə kapitalı 2010 manat olan QSC-nin qanuni təmsilçisi Əliyev Əfqan Tapdıq oğludur.
14:43 27.12.2024
Oxunuş sayı: 17740
