İqtisadiyyat

“Azeri Light” 4 dollara yaxın ucuzlaşdı

Dünya bazarında “Azeri Light” markalı Azərbaycan neftinin qiyməti 4 dollara yaxın ucuzlaşıb.

Crossmedia.az xəbər verir ki, neft bazarındakı mənbə məlumat yayıb.

Hərracların nəticələrinə görə, “Azeri Light” markalı neftin 1 barelinin qiyməti 3,93 ABŞ dolları və ya 3,15 % azalaraq 120,68 ABŞ dolları təşkil edib.

“Brent” markalı neftin dekabr fyuçerslərinin qiyməti isə 123,91 ABŞ dolları olub.

Türkiyənin Ceyhan limanında FOB bazasında “Azeri Light” markalı Azərbaycan neftinin 1 barelinin qiyməti 3,93 ABŞ dolları və ya 3,45 % azalaraq 109,88 ABŞ dollarına düşüb.

Qeyd edək ki, Azərbaycanın builki dövlət büdcəsində 1 barel neftin orta qiyməti 65 ABŞ dolları hesablanıb.

“Azeri Light” neftinin ən aşağı qiyməti 2020-ci il aprelin 21-də 15,81 ABŞ dolları, ən yüksək qiyməti isə 2008-ci ilin iyulunda 149,66 ABŞ dolları təşkil edib.

Azərbaycanda “Azeri Light” markalı neft “Azəri-Çıraq-Günəşli” (AÇG) yataqlar blokunun işlənməsi haqqında müqavilə çərçivəsində hasil edilir. Müqavilədə Azərbaycan Dövlət Neft Şirkətinin (SOCAR) payı 35,3 %-dir.

Mövzular:

Azərbaycan nefti “Azeri Light” neft qiyməti neft bazarı “Brent” SOCAR Ceyhan limanı neft hasilatı dünya bazarı

🖨 Çap et

10:45 07.10.2026

Oxunuş sayı: 57