Mərakeşdən Seuta keçməyə çalışan 100-dən çox miqrant ölüb
Mərakeşdən İspaniyanın Seut anklavına keçməyə çalışan azı 100 nəfərin öldüyü bildirilir. Seutun meri Xuan Hesus Vivas bölgədə vəziyyətin “xaos”a çevrildiyini açıqlayıb.
Crossmedia.az xəbər verir ki, “EFE” bu barədə Seutun meri Xuan Hesus Vivasın İspaniya telekanallarına verdiyi müsahibəyə istinadən məlumat yayıb.
Mer İspaniyanın digər bölgələrindən yardım, dəstək və həmrəylik tələb edib. Onun sözlərinə görə, hazırda Seutda təxminən 6 min miqrant qalır. Lakin ölkə hakimiyyəti bu rəqəmin 2-3 min nəfər olduğunu hesab edir.
Vivas bildirib ki, şəhərdə qalan miqrantların dəqiq sayının müəyyən edilməməsi və hamısının şəxsiyyətinin müəyyənləşdirilməməsi ciddi problemdir.
Mer xüsusilə müşayiətsiz azyaşlı miqrantların vəziyyətindən narahat olduğunu qeyd edib. Onun sözlərinə görə, Seutda belə şəxslərin sayı təxminən 1,1 min nəfərdir və bu, yerli qəbul sisteminin imkanlarından 26 dəfə çoxdur.
İspaniya hökuməti təcili ehtiyaclar üçün Seuta təxminən 6,5 milyon avro vəsait ayırıb. Gənclər və Uşaqlar məsələləri üzrə nazir Sira Reqo isə yerli hakimiyyət və hüquq müdafiəçiləri ilə görüşmək üçün Seuta səfər edəcək.
Seut meri Mərakeş hakimiyyətinin əməkdaşlığa hazır olmasını şübhə altına alıb və bu ölkəni etibarlı tərəfdaş hesab etmədiyini bildirib.
O, həmçinin sosial şəbəkələr vasitəsilə təşkil edilə biləcək yeni kütləvi sərhəd keçidi cəhdinin riskləri barədə xəbərdarlıq edib və sərhəd təhlükəsizliyi ilə bağlı struktur həllərin hazırlanmasına çağırıb.
17:50 06.08.2026
Oxunuş sayı: 54
