Cərrahiyyədə yeni dövr: Əməliyyatı robotlar həyata keçirdi
ABŞ-də ilk dəfə humanoid robotlar cərrahi əməliyyatı uğurla icra ediblər.
Crossmedia.az xəbər verir ki, söhbət laparoskopik üsulla öd kisəsinin çıxarılması əməliyyatından gedir. Doklinik sınaqlar zamanı bir halda robot cərrahla birlikdə işləyib, digər halda isə əməliyyat həkimlərin məsafədən idarə etdiyi iki humanoid robot tərəfindən həyata keçirilib.
Mütəxəssislərin sözlərinə görə, gələcəkdə bu cür robotlardan ucqar xəstəxanalarda, döyüş bölgələrində, xilasetmə əməliyyatlarında və hətta kosmik missiyalarda istifadə olunması planlaşdırılır.
Hazırda tərtibatçıların əsas məqsədi əməliyyat otaqlarında həkimlərə dəstək verə biləcək avtonom robot-assistent hazırlamaqdır.
00:22 11.07.2026
Oxunuş sayı: 50
