Ənsarullah rəsmisi: Mühasirəyə və təhdidlərə baxmayaraq Tehrana çatdıq
Yəmənin Ənsarullah hərəkatının yüksək vəzifəli nümayəndələrindən biri Yəmən nümayəndə heyətinin bütün maneələrə baxmayaraq Tehrana səfər etdiyini bildirib.
Crossmedia.az xəbər verir ki, İranın ˝Tasnim˝ xəbər agentliyi bu barədə məlumat yayıb.
Onun sözlərinə görə, mühasirə şəraiti və təhdidlər nümayəndə heyətinin mərhum Ali dini rəhbər Xameneinin dəfn mərasimində iştirak etmək üçün İrana səfərinə mane ola bilməyib.
Rəsmi iddia edib ki, Səudiyyə Ərəbistanı və İsrailə məxsus döyüş təyyarələri Səna hava limanında İranın mülki təyyarələrindən birinin uçuşunu dayandırmağa cəhd göstərsələr də, nümayəndə heyəti mühasirəni və nəzarəti yararaq Tehrana çata bilib.
Ənsarullah nümayəndəsi əlavə edib ki, Yəmən ABŞ və İsrail qarşısında təslim olmayacaq, hərəkat isə şəhidliyi qürur və qələbə mənbəyi hesab edir.
00:48 05.07.2026
Oxunuş sayı: 53
