Xarici xəbərlər

Netanyahu: İranın nüvə silahı əldə etməsinə imkan verməyəcəyik

İsrailin baş naziri Benyamin Netanyahu Livanda təhlükəsiz zona saxlayacağına və İranın nüvə silahı əldə etməsinin qarşısını alacağına söz verib.

Crossmedia.az xəbər verir ki, Netanyahu İsrailin Hizbullahdan gələn təhdidlərin qarşısını almaq üçün Livanın cənubunda təhlükəsiz zona saxlamağa davam edəcəyini və ölkənin şimal sərhədindəki vəziyyətə nəzarəti davam etdirəcəyini bildirib.

İsraildə Yerli Hakimiyyətlər Federasiyasının konfransında çıxış edən Netanyahu həmçinin, hökumətinin İranın nüvə proqramına qarşı mübarizəni davam etdirəcəyini vurğulayıb. Netanyahu İrana qarşı əməliyyatın Tehranın nüvə silahı əldə etməsinin qarşısını almaq üçün uzunmüddətli siyasətin nəticəsi olduğunu söyləyib.

Baş nazir İsrailin Qəzza zolağı, Livan, Suriya və İranda əməliyyatlardan çəkinmək çağırışlarına qarşı çıxdığını qeyd edib. O, əldə edilən nəticələrin bu kursun düzgünlüyünü təsdiqlədiyini bildirib. Netanyahu, həmçinin dron əleyhinə texnologiya üzərində işlərin davam etdiyini elan edib və bu layihəni milli təhlükəsizliyin əsas sahəsi adlandırıb.

"Mən baş nazir olduğum müddətcə İran nüvə silahı əldə etməyəcək və Şimali İsrailin təhlükəsizliyi təmin ediləcək", - deyə Netanyahu bəyan edib.

🖨 Çap et

12:58 25.06.2026

Oxunuş sayı: 50