Trampın baxışı dəyişdi: Ukraynanın zərbələri ABŞ siyasətində dönüş yaratdı
ABŞ Prezidenti Donald Tramp Ukraynanın Rusiya ərazisinin dərinliklərinə endirdiyi zərbələrdən son dərəcə təsirlənib və heyran qalıb.
Crossmedia.az bu barədə xəbər verir. ˝Financial Times˝ yazır ki, Nəşr G7 sammitində aparılan müzakirələrlə tanış olan mənbələrə istinadən bildirir ki, Vaşinqtonun cəbhədəki vəziyyətlə bağlı qiymətləndirməsində dəyişiklik baş verir. Əgər əvvəllər bəzi rəsmilər Rusiyanın üstünlük əldə etdiyini düşünürdüsə, indi onun elan etdiyi məqsədlərə nail ola bilməsi ilə bağlı şübhələr artır.
Məlumata görə, bu fonda Tramp Rusiyanın enerji sektoruna qarşı daha sərt təzyiqlərin tətbiqini dəstəkləməyə razılaşıb.
Ukrayna rəsmiləri isə FT-ə bildiriblər ki, Prezident Vlodimir Zelenski ilə görüşdən sonra Patriot hava hücumundan müdafiə sistemləri ilə bağlı ehtiyatlı müsbət gözləntilər yaranıb. Tramp və ABŞ dövlət katibi Marko Rubio Avropa və Ukraynada raketlərin lisenziyalı istehsalı ideyasına ilk dəfə müsbət yanaşıblar.
Moskva isə Vaşinqtonun mövqeyindəki dəyişiklikdən narazılığını ifadə edir. Rusiya xarici işlər naziri Sergey Lavrov ABŞ-ni müharibədə obyektiv vasitəçi rolundan uzaqlaşmaqda ittiham edib.
22:30 23.06.2026
Oxunuş sayı: 53
