Rusiyada benzinin satışında məhdudiyyətlər tətbiq olunmağa başladı
Rusiyada benzin istehsalı son bir ildə əhəmiyyətli dərəcədə azalıb.
Crossmedia.az bu barədə xəbər verir ki, ˝Reuters˝ agentliyinin məlumatına görə, iyunun 15-dən 21-dək olan həftədə yanacaq istehsalı ötən ilin eyni dövrünün orta gündəlik göstəricisi ilə müqayisədə təxminən 25 faiz aşağı olub.
Mövcud vəziyyət fonunda neft məhsullarının dəniz yolu ilə ixracı da azalıb. Belə ki, iyunun ilk yarısında ixrac həcmi 15 faiz geriləyib.
Məlumata əsasən, Rusiya hakimiyyəti yanacaq çatışmazlığının qarşısını almaq üçün idxalın artırılması və bazarın dəstəklənməsi tədbirlərinin genişləndirilməsi imkanlarını nəzərdən keçirir.
Artıq Rusiyanın bir sıra regionlarında benzinin satışına məhdudiyyətlər tətbiq olunmağa başlanıb. Bir çox yanacaqdoldurma məntəqələrində növbələrin yarandığı və qiymət artımının müşahidə edildiyi bildirilir.
18:28 23.06.2026
Oxunuş sayı: 55
