Rusiya NATO-ya xəbərdarlıq edib
Rusiya NATO-nun ümumi nüvə potensialının güclənməsini görməzdən gələ bilməz və bunu hərbi planlaşdırmasında nəzərə alacaq.
Crossmedia.az xəbər verir ki, bu barədə Rusiya xarici işlər nazirinin müavini Sergey Ryabkov TASS-a verdiyi müsahibədə bildirib.
"NATO-nun ümumi potensialının nüvə komponentinin açıq şəkildə güclənməsini görməzdən gələ bilmərik. Bu, əslində Avropanın ABŞ-nin müvafiq "çətiri" ilə yanaşı, öz nüvə imkanlarını inkişaf etdirmək səylərinin nəticəsidir".
O, qeyd edib ki, bu, Rusiya hərbi planlaşdırması baxımından, xüsusən də Fransanın yeni sözdə irəli nüvə çəkindirmə strategiyası çərçivəsindəki səyləri ilə bağlı reaksiyasız qala bilməz.
20:23 19.05.2026
Oxunuş sayı: 338
