Xarici xəbərlər

Overçuk: Ermənistan Aİİ və Aİ arasında seçim etməlidir

Ermənistan Avrasiya İqtisadi İttifaqı (Aİİ) və Avropa İttifaqı (Aİ) arasında seçim qarşısında qalıb.

Crossmedia.az xəbər verir ki, bu barədə Rusiya baş nazirinin müavini Aleksey Overçuk TASS-a müsahibəsində bildirib.

O qeyd edib ki, bu məsələnin olduqca mürəkkəb olduğunu deyərək iqtisadi və siyasi faktorların bir-biri ilə sıx bağlı olduğunu vurğulayıb. Overçukun sözlərinə görə, Ermənistanda həm Aİİ ilə əməkdaşlığın davam etdirilməsini dəstəkləyən, həm də ölkənin Avropa İttifaqına inteqrasiyasını istəyən siyasi qüvvələr mövcuddur.

Rusiya rəsmisi bildirib ki, Moskva Ermənistanın Avrasiya İqtisadi İttifaqında qalmasının tərəfdarıdır və ölkənin bu birlikdə olduğu müddətdə müəyyən iqtisadi üstünlüklər əldə etdiyini qeyd edib.

O, həmçinin Cənubi Qafqazda sülh prosesinə toxunaraq, Rusiya vasitəçiliyi ilə Ermənistan və Azərbaycan arasında münasibətlərin normallaşdığını, nümayəndə heyətlərinin mübadiləsi və ticarət əlaqələrinin bərpa olunduğunu bildirib.

Overçuk əlavə edib ki, hazırda Ermənistanın nəqliyyat əlaqələrinin qismən bərpa olunduğunu, Rusiya məhsullarının Azərbaycan və Gürcüstan üzərindən Ermənistana daşındığını deyib.

Sonda o, Ermənistanın Aİ və Aİİ arasında qeyri-müəyyən mövqe tutmasının uzunmüddətli iqtisadi əlaqələrə mənfi təsir göstərə biləcəyini vurğulayıb və İrəvanın tez bir zamanda qərar verməsinin vacibliyini bildirib.

🖨 Çap et

17:54 19.05.2026

Oxunuş sayı: 48