Ermənistanda siyasi qalmaqal: seçicilərə rüşvət verildiyi iddia olunur
Ermənistanın Korrupsiyaya Qarşı Mübarizə Komitəsi rusiyalı oliqarx Samvel Karapetyan ilə əlaqələndirilən “Güclü Ermənistan” partiyasının üzvlərinin seçicilərə rüşvət verməyə cəhd etdiyini iddia edib.
Crossmedia.az xəbər verir ki, məlumata görə, iddia Ermənistanın Lori vilayətində bir neçə sakinə rüşvət verilməsi cəhdi ilə bağlıdır. Ermənistan KİV-i agentliyin danışıqların səs yazılarını yayımladığını və həmin qeydlərdə partiya namizədinin mənzil vəsaitlərinin bölüşdürülməsi ilə bağlı proseslərə dair göstərişlər verdiyini bildirdiyini yazır.
Komitənin açıqlamasına əsasən, sxemdə vasitəçilər və şəxsi nəqliyyat vasitələrindən istifadə olunub, maliyyə əməliyyatlarının isə nağd şəkildə həyata keçirildiyi iddia edilir.
Bildirilib ki, hadisə ilə bağlı cinayət işi açılıb, həbslər və istintaq hərəkətləri aparılır.
14:45 19.05.2026
Oxunuş sayı: 358
