Xarici xəbərlər

Kuba dəyişməlidir — ABŞ kəşfiyyatından SƏRT MESAJ

ABŞ Mərkəzi Kəşfiyyat İdarəsinin (MKİ) direktoru Con Ratkliff Havanada Kuba rəsmiləri ilə yüksək səviyyəli görüş keçirib.

Crossmedia.az "Axios" nəşrinə istinadən xəbər verir ki, bu barədə idarə rəsmisi məlumat yayıb. Bildirilib ki, Ratkliff görüş zamanı Kuba lideri Raul Kastroya yaxın fiqurlardan Raulito Rodriges Kastro, daxili işlər naziri Lazaro Alvares Kasas və Kuba kəşfiyyat xidmətinin rəhbəri ilə müzakirələr aparıb.

Açıqlamaya görə, idarə direktoru ABŞ Prezidenti Donald Trampın Vaşinqtonun iqtisadi və təhlükəsizlik məsələləri üzrə Kuba ilə ciddi əməkdaşlığa hazır olduğu mesajını çatdırıb. Bununla yanaşı, ABŞ tərəfi Kubadan fundamental dəyişikliklər gözlədiyini vurğulayıb.

Görüşdə kəşfiyyat əməkdaşlığı, iqtisadi sabitlik və regional təhlükəsizlik məsələləri müzakirə olunub. ABŞ rəsmisi qeyd edib ki, Kuba artıq Qərb yarımkürəsindəki düşmənlər üçün təhlükəsiz sığınacaq rolunu oynaya bilməz.

🖨 Çap et

16:40 15.05.2026

Oxunuş sayı: 344