Lavrov: Ermənistan-Qərb yaxınlaşması Moskva-İrəvan münasibətlərini gərginləşdirir
Rusiya Federasiyasının Xarici İşlər naziri Sergey Lavrov bildirib ki, Qərbin Ermənistan üzərində təsirini artırmaq cəhdləri fonunda Rusiya ilə İrəvan arasında münasibətlər çətin dövr yaşayır.
Crossmedia.az xəbər verir ki, bu barədə məlumatı xarici media yayıb.
Onun sözlərinə görə, Avropa İttifaqı Ermənistanı öz siyasi və iqtisadi orbitinə çəkməyə çalışır. Bu isə Avrasiya İqtisadi İttifaqı çərçivəsində İrəvanın əldə etdiyi imtiyazların itirilməsi riski yarada bilər.
Sergey Lavrov həmçinin bildirib ki, Ermənistanın Qərblə münasibətləri Aİİ-nin mayda keçiriləcək sammitində müzakirə edilə bilər.
“Qərbin Ermənistanı öz orbitinə çəkmək cəhdlərini müzakirə etmək imkanı olacaq”, – deyə Sergey Lavrov Rusiya mətbuatına açıqlamasında qeyd edib.
13:10 15.05.2026
Oxunuş sayı: 52
