Xarici xəbərlər

ABŞ İrana yenidən hücum edə bilər - Əməliyyatın adı dəyişdirilir

"NBC News" telekanalı ABŞ Müdafiə Nazirliyinin (Pentaqon) İrana qarşı mümkün hərbi əməliyyatla bağlı yeni planları müzakirə etdiyini açıqlayıb.

Crossmedia.az xəbər verir ki, telekanalın məlumatına görə, atəşkəsin pozulacağı təqdirdə ABŞ-nin İrana qarşı nəzərdə tutduğu əməliyyatın adının dəyişdirilməsi ehtimalı nəzərdən keçirilir.

Hazırda əməliyyatın “Epik Qəzəb” adlandığı bildirilir. Lakin "NBC News"un mənbələrinin sözlərinə görə, Pentaqon daxilində “Balyoz” (“Sledgehammer”) adlı yeni variant da müzakirə olunur.

Mənbələr qeyd ediblər ki, ABŞ hazırda regionda əvvəlki dövrlə müqayisədə daha güclü hərbi mövqeyə malikdir.

“İndi 27 fevralda olduğundan daha yaxşı vəziyyətdəyik. Daha çox atəş gücümüz və daha çox imkanımız var”, – deyə ABŞ rəsmilərindən biri "NBC News"a bildirib.

🖨 Çap et

16:45 13.05.2026

Oxunuş sayı: 58