Alimlərdən yeni kəşf: Xərçəngin müalicəsi qurbağalardadır?
Yaponiya alimlərinin apardığı son tədqiqat xərçəng müalicəsində yeni ümidlər yaradıb. Qurbağaların bağırsağında aşkar edilən bəzi bakteriyaların xərçəng hüceyrələrinə qarşı güclü təsir göstərdiyi müəyyən olunub. Laboratoriya və heyvanlar üzərində aparılan təcrübələr bu mikroorqanizmlərin şişlərin məhv edilməsində potensial rol oynaya biləcəyini ortaya çıxarıb. Alimlər nəticələrin gələcəkdə yeni müalicə üsullarının inkişafına töhfə verə biləcəyini bildirirlər.
Tibb üzrə fəlsəfə doktoru, həkim-onkoloq Fərid Museyibov bu barədə Crossmedia.az-a danışıb.
O , xərçəngin əsas yaranma səbəblərindən biri olaraq 50–60% qidalanma faktorunun olduğun qeyd edib: "Həmçinin tütünün çox istifadə olunması, alkoqoldan uzun müddət istifadə, stress faktorunun olması, travmaların olması- bunların hamısı onkoloji proseslərin əsas yaranma səbəblərindən biridir. Vurğulanan bakteriyalar vasitəsilə xərçəng hüceyrələri məhv olur. Təbii ki, tədqiqatlar aparılır. Həm Yaponiyada, həm digər ölkələrdə aparılır. Çünki şiş hüceyrəsi ümumiyyətlə digər hüceyrələrdən fərqli olaraq insan orqanizmi hüceyrələri normal şəkildə böyüyür, bölünür və sonra məhv olur. Amma şiş hüceyrələri nəzarətsiz böyüyür. Ona görə də bunun qarşısını almaq çətindir. Çünki bunlar öz belə deyək, hüceyrələrini yaradırlar. Təbii ki, bunun qidalanması üçün də qida faktorları olmalıdır".
F.Museyibovun sözlərinə görə, oksigensiz şəraitdə bu şiş hüceyrələri məhv olur.
Fatimə
19:58 10.04.2026
Oxunuş sayı: 61
