Xarici xəbərlər

ABŞ prezidenti Tramp Macarıstanın baş naziri Orbanı dəstəkləyib

ABŞ prezidenti Donald Tramp Macarıstanın baş naziri Viktor Orbana qarşıdan gələn aprel ayı parlament seçkilərində uğurlar arzulayıb.

Crossmedia.az xəbər verir ki, Trampın Vaşinqtondan Budapeştə göndərdiyi məktub Orban tərəfindən “Facebook” sosial şəbəkəsində paylaşılıb. Məktubda ABŞ prezidenti Macarıstan hökumətinin ənənəvi mühafizəkar dəyərlərin qorunmasına yönəlmiş siyasətinə dəstək ifadə edib.

Tramp Orbanın rəhbərliyini bütün dünya üçün nümunə adlandıraraq bildirib ki, Macarıstanın gücü məhz iman, ailə və suverenlik kimi prinsiplərin qətiyyətlə müdafiə olunmasından qaynaqlanır. Onun sözlərinə görə, ABŞ bu cür mövqeyi yüksək qiymətləndirir.

ABŞ dövlət başçısı, həmçinin Orbanın onu Macarıstana səfərə dəvət etdiyini xatırladıb və səfərlə bağlı Amerika tərəfinin əlaqədə olacağını qeyd edib. Tramp məktubunda 2024-cü ildə ABŞ-də keçirilən seçki kampaniyası zamanı Orbanın ona verdiyi dəstəyə görə təşəkkür edib və Macarıstandakı seçki prosesində baş nazirə bir daha uğurlar arzulayıb.

Türkan Kərimli

🖨 Çap et

13:07 09.01.2026

Oxunuş sayı: 1463