Gürcüstan neft məhsullarının tranzitinə ödəniş tətbiq edir
Gürcüstan Azərbaycan ərazisindən Ermənistana neft məhsullarının ikinci tranziti zamanı ödəniş tətbiq edəcək. Bu barədə “Mega Trade” şirkətinin direktoru Karen Ayriyan Gürcüstan KİV-lərinə açıqlamasında bildirib.
Crossmedia.az xəbər verir ki, bu dəfə Ermənistana təkcə “Premium” deyil, eyni zamanda “Regular” markalı benzin də idxal olunur. Karen Ayriyan qeyd edib ki, tranzit haqqının tətbiqi benzinin qiymətinə ciddi təsir göstərməyəcək, çünki qiymətə təsir edən digər amillər də mövcuddur.
Onun sözlərinə görə, daha əvvəl Ermənistanın iqtisadiyyat naziri Gürcüstanın Azərbaycan üzərindən daşınan yüklər üçün kifayət qədər sərfəli tranzit qiyməti təklif etdiyini açıqlanıb.
Qeyd edək ki, ilk yanacaq daşınması Gürcüstanın baş naziri İrakli Kobaxidzenin göstərişi ilə ödənişsiz həyata keçirilib.
11:47 09.01.2026
Oxunuş sayı: 1381
