Xarici xəbərlər

Ukraynaya ballistik zərbə: “Oreşnik”dən istifadə oluna bilər

Rusiya Ukrayna ərazisinə zərbə endirib. İlkin məlumatlara görə, hücum zamanı ballistik “Oreşnik” raket kompleksindən istifadə olunmuş ola bilər. Ukrayna Silahlı Qüvvələrinin Hərbi Hava Qüvvələrinin nümayəndəsi Yuri İqnatın bildirdiyinə görə, mümkün raket buraxılışları Rusiyanın Kapustin Yar poliqonundan qeydə alınıb.

Bu barədə Crossmedia.az xarici mediaya istinadən xəbər verir.

Bundan sonra Ukraynanın Lvov vilayətində partlayış səsləri eşidilib.

Qeyd edək ki, “Oreşnik” raket kompleksi məhz Kapustin Yar poliqonunda yerləşir. Rusiya bu silahdan Ukraynaya qarşı indiyədək yalnız bir dəfə — 2024-cü ilin noyabr ayında istifadə edib. Hazırkı hücum zamanı “Oreşnik” raketinin tətbiq olunmasına dair rəsmi təsdiq hələlik yoxdur.

Mehriban İbrahimli

🖨 Çap et

10:24 09.01.2026

Oxunuş sayı: 1244