Sikorski: Müharibənin ədalətli sonu Rusiyanın səhvini qəbul etməsindən keçir
Polşanın xarici işlər naziri Radoslav Sikorski Rusiya–Ukrayna müharibəsi və beynəlxalq dəstək məsələləri ilə bağlı açıqlamalar verib.
Crossmedia.az bu barədə xarici mediaya istinadən xəbər verir.
O bildirib ki, ədalətli həll yolu yalnız Rusiya elitasının ilkin işğalın səhv olduğunu və Rusiya İmperiyasını yenidən qurmaq ambisiyasının mümkün olmadığını qəbul etməsindən sonra mümkün olacaq.
Sikorski Çinlə aparılan danışıqlara da toxunaraq, çinli həmkarı ilə açıq müzakirələr apardığını qeyd edib. Onun sözlərinə görə, həmin görüşlərdən birində çinli nazir zarafatla bildirib ki, əgər Çin Rusiyaya müharibədə avropalıların iddia etdiyi qədər kömək etsəydi, müharibə artıq başa çatardı.
Nazir əlavə edib ki, Çin Rusiyaya ikili təyinatlı mallar da daxil olmaqla müxtəlif məhsullar tədarük etsə də, hələlik ölümcül silahlar göndərməyib.
18:10 08.01.2026
Oxunuş sayı: 1282
