Rusiya: Tankerin ələ keçirilməsi ABŞ ilə münasibətləri daha da gərginləşdirə bilər
Rusiya tankerlərin ələ keçirilməsi səbəbindən ABŞ ilə münasibətlərin pisləşməsi təhlükəsi barədə xəbərdarlıq edib.
Crossmedia.az bu barədə xarici mediaya istinadən xəbər verir.
Moskvanın iddiasına görə, ABŞ-nin “Mariner” tankerini ələ keçirməsi Vaşinqtonla Moskva arasında son illərdə mövcud olan ciddi fikir ayrılıqlarını daha da dərinləşdirə bilər.
Rusiya Xarici İşlər Nazirliyinin yaydığı bəyanatda qeyd olunub ki, Vaşinqtonun kəskin beynəlxalq böhranlar yaratmağa hazır olması narahatlıq doğurur. Bildirilib ki, bu cür addımlar artıq həddindən artıq gərgin olan Rusiya–ABŞ münasibətlərinə əlavə risklər yaradır.
Nazirlik vurğulayıb ki, insidentin nəticəsi Avro-Atlantik regionda hərbi-siyasi gərginliyin daha da artmasına, eləcə də dinc gəmiçiliyə qarşı gücdən istifadə həddinin nəzərəçarpacaq dərəcədə azalmasına səbəb ola bilər.
16:35 08.01.2026
Oxunuş sayı: 1357
