AQTA 3 mindən çox hədiyyə qutusunu satışdan çıxarıb
Azərbaycan Qida Təhlükəsizliyi Agentliyi (AQTA) ticarət şəbəkələrində satışa çıxarılan 3 min 68 Yeni il hədiyyə qutusunu satışdan kənarlaşdırıb.
Crossmedia.az xəbər verir ki, bu barədə agentlikdən məlumat verilib.
Bildirilib ki, cari ilin dekabrın 11-27-də keçirilən monitorinqlər zamanı 347 sahibkarlıq subyektində 21 min 182 məhsula baxış keçirilib.
Belə ki, 86 obyektdə qutuların üzərində etiket məlumatlarının olmadığı və yaxud düzgün aparılmadığı müəyyən edilib.
Aşkarlanan uyğunsuzluqlarla əlaqədar mövcud tələblərə cavab verməyən 3 min 68 ədəd hədiyyə qutusu müvafiq qaydada aktlaşdırılaraq satışdan kənarlaşdırılıb.
15:52 30.12.2025
Oxunuş sayı: 1351
