Endokrinoloqla müsahibə: Şəkərli diabet artıq ümumbəşəri bir hal alıb - ANONS
Müasir dövrdə endokrin sistem xəstəlikləri həm dünya miqyasında, həm də ölkəmizdə ictimai sağlamlıq üçün ən aktual problemlərdən birinə çevrilib. Həyat tərzinin dəyişməsi, qidalanma vərdişlərinin pozulması, ekoloji faktorların güclənməsi, habelə stresin artması hormon balansını daha həssas və pozulmağa meyilli edir. Endokrin sistem isə orqanizmin demək olar ki, bütün funksiyalarını – enerji mübadiləsindən tutmuş emosional vəziyyətə, ürək fəaliyyətindən inkişaf proseslərinə qədər – tənzimlədiyinə görə onun xəstəlikləri geniş spektrdə fəsadlar yarada bilir.
Bu səbəbdən endokrinoloji sahədə aparılan tədqiqatlar, erkən diaqnostika üsullarının təkmilləşməsi və müasir müalicə modelləri cəmiyyət üçün böyük əhəmiyyət daşıyır. Mövcud problemlər yalnız tibbi deyil, eyni zamanda sosial, psixoloji və hətta iqtisadi aspektlərlə də sıx bağlıdır. Bu kontekstdə endokrin sistem xəstəliklərinin səbəbləri, risk faktorları, profilaktik tədbirlər və müasir yanaşmalar barədə geniş məlumatın ictimailəşdirilməsi xüsusi əhəmiyyət kəsb edir.
Bu məsələlərə aydınlıq gətirmək məqsədilə "Doktor danışır" rubrikası çərçivəsində endokrinoloq Fərhad Burzu Crossmedia.az-a geniş müsahibə verib.
O, şəkərli diabetin əsas yaranma səbəbləri, həmçinin ondan qorunmağın yollarını qeyd edib.
Müsahibədən bir neçə fikir təqdim edirik:
"Şəkərli diabet artıq ümumbəşəri bir hal alıb".
"Endokrin sistem orqanizmdə sinir sistemi ilə yanaşı fəaliyyət göstərən iki əsas idarəetmə mexanizmindən biridir".
"Qalxanabənzər vəzi ekoloji təsirlərə, xüsusilə də şüalanma və kimyəvi maddələrə qarşı ən həssas vəzlərdən biridir".
Qeyd edək ki, müsahibə yaxın günlərdə saytımızda dərc olunacaq.
Elmir Heydərli
15:38 01.12.2025
Oxunuş sayı: 2086
