Kəlbəcər Şəhəri Günü tamaşa nümayişi ilə başlanıb
Noyabrın 25-də Kəlbəcərdə ilk dəfə Şəhər Günü qeyd edilir. Mədəniyyət Nazirliyi və Azərbaycan Prezidentinin xüsusi nümayəndəliyinin təşkilatçılığı ilə keçirilən tədbirlər tamaşa nümayişi ilə başlayıb.
Crossmedia.az xəbər verir ki, Gəncə Dövlət Milli Dram Teatrının kollektivi yazıçı-dramaturq Abdulla Şaiqin “Tıq-tıq xanım” pyesi əsasında hazırlanmış səhnə əsərini təqdim edib.
Musiqili nağıl-tamaşanın quruluşçu rejissoru Şahmar Məmmədov, quruluşçu rəssamı Vahab Cəfərov, rejissor assistenti Dursun Cəlilova, musiqi tərtibatçısı Ziyad Abbasovdur. Rolları Elmir Məmmədov, Elnur Abbasov, Mətləb Təhmazi, Elmil Salmanov, Fərid Vəliyev, Zeynəb Hüseynova və başqaları canlandırıblar.
Tamaşa Abdulla Şaiqin maarifçi ideyalarını şən musiqi və rəqslərlə təqdim etməsi ilə seçilib və alqışlarla qarşılanıb.
Kəlbəcər şəhəri paytaxtdan və bölgələrdən gəlmiş qonaqları füsunkar dağlarla əhatə olunmuş, dəniz səviyyəsindən təxminən 1500 m yüksəklikdə yerləşən bu qədim yurdda səmimi bayram ab-havası ilə qarşılayıb.
18:05 25.11.2025
Oxunuş sayı: 1059
