ABŞ institutunun baş icraçı direktoru ADPU-nun qonağı olub
Azərbaycan Dövlət Pedaqoji Universitetində (ADPU) ABŞ-ın Mədəniyyət və Təhsil İnstitutunun (CCEI) baş icraçı direktoru və İdarə Heyətinin sədri, UNESCO-nun 41-ci Baş Konfransının Mədəniyyət Komissiyasının prezidenti Vasif Eyvazzadə ilə görüş keçirilib.
Crossmedia.az xəbər verir ki, ADPU-dan bildirilib ki, görüşdə rektor professor Cəfər Cəfərov, tədris işləri üzrə prorektor dosent Eldar Aslanov və Təlim-Tədris Mərkəzinin müdiri Xalidə Həmidova iştirak ediblər.
Tərəflər Azərbaycan Dövlət Pedaqoji Universiteti ilə CCEI arasında təhsil, mədəniyyət və peşəkar inkişaf sahələrində əməkdaşlıq imkanlarını müzakirə ediblər.
Görüş zamanı tələbə və müəllimlərin beynəlxalq proqramlara qoşulma perspektivləri ətrafında fikir mübadiləsi aparılıb, tərəflər gələcək əməkdaşlığın həyata keçirilməsinin əhəmiyyətini xüsusi vurğulayıblar.
Sonra qonağa universitetin infrastrukturu və təhsil imkanları haqqında ətraflı məlumat verilib.
17:47 07.10.2025
Oxunuş sayı: 962
