Sərnişin təyyarəsində qəza siqnalı: Təyyarə geri qayıtdı
Böyük Britaniyadan İrlandiyaya uçan “British Airways” sərnişin təyyarəsi İrlandiya dənizi üzərində kabin təzyiqinin düşməsi səbəbindən qəza siqnalı verərək geri qayıdıb.
Crossmedia.az xəbər verir ki, “Paddle Your Own Kanoo” bu barədə məlumat yayıb.
Oktyabrın 5-də Böyük Britaniyadan havaya qalxan “Boeing 777” təyyarəsi 10,9 min metr yüksəklikdə uçarkən kabin təzyiqinin itməsi ilə üzləşib. Sərnişinlərə təcili olaraq oksigen maskalarından istifadə etmək tapşırılıb.
Təyyarə daha sonra sürətlə 2,7 min metr yüksəkliyə enib. Bir müddət Böyük Britaniya üzərində dövrə vuran təyyarə daha sonra Londonun Hitrou hava limanına uğurla enib.
“British Airways” sərnişinlərin təyyarəni normal qaydada tərk etdiyini bildirib.
16:22 06.10.2026
Oxunuş sayı: 34
