Azərbaycan və Özbəkistan paralimpiya hərəkatının inkişafını müzakirə edib
Azərbaycan Respublikası Milli Paralimpiya Komitəsinin (ARMPK) prezidenti Hidayət Abdullayev Özbəkistan Paralimpiya Komitəsinin qonağı olub.
Crossmedia.az xəbər verir ki, səfər çərçivəsində ARMPK prezidenti komitənin inzibati
binasını ziyarət edib və Özbəkistan Paralimpiya Komitəsi sədrinin müavini
Hikmət Toshmatov, sədrin müşaviri Mardonbek Davronov, həmçinin Özbəkistan
Gözdən Əlillər İdmanı Federasiyasının sədri Otabek Erqaşev ilə görüşüb.
Görüş zamanı tərəflər hər iki ölkədə paralimpiya
hərəkatının inkişafı, mövcud əməkdaşlığın genişləndirilməsi, tibbi təsnifat
məsələləri və bu sahədə mütəxəssislərin biliklərinin artırılması
istiqamətlərini müzakirə ediblər.
21:58 19.09.2025
Oxunuş sayı: 771
