Türkiyə Hisar-D RF dəniz HHM sistemini uğurla sınaqdan keçirdi
Qara dənizdə, Sinop sahillərində Türkiyənin TCG Istanbul freqatı ilk dəfə olaraq yerli istehsal Hisar-D RF zenit-raket kompleksindən uğurlu atış həyata keçirib.
Crossmedia.az xəbər verir ki, bu barədə xarici KİV yazıb.
Raketin buraxılışı MIDLAS şaquli buraxılış qurğusu vasitəsilə gerçəkləşib. Hədəf – pilotsuz uçuş aparatı döyüşə yaxın şəraitdə dəqiq vurulub.
Hisar-D RF tamamilə Türkiyədə hazırlanıb: raket Roketsan, radar sistemləri Aselsan-ın CENK 4D və AKREP kompleksləri, döyüş idarəetmə proqram təminatı isə Havelsan tərəfindən istehsal olunub.
Sınaqlar göstərib ki, Türkiyə artıq tam müstəqil, xarici asılılıqdan kənar dəniz hava hücumundan müdafiə sistemini yerləşdirməyə hazırdır.
Xumar Emilqızı
15:10 19.08.2025
Oxunuş sayı: 6401
