Lavrov: "ABŞ Ukrayna məsələsində səmimi həll istəyi göstərir"
Rusiya xarici işlər naziri Sergey Lavrov Rusiya telekanalına müsahibəsində Ankoricdə keçirilən sammitin nəticələrindən danışıb.
Crossmedia.az xarici mətbuata istinadən xəbər verir ki, nazirin sözlərinə görə, sammitdə Tramp və komandası Ukrayna münaqişəsini həll etməkdə səmimi istək nümayiş etdirib. Lavrov sammitin “yaxşı atmosferdə” keçdiyini və bunun Putin və Trampın birgə bəyanatlarında da əks olunduğunu bildirib.
O, ABŞ-nin Ukrayna üzrə uzunmüddətli və davamlı həll yoluna səmimi şəkildə can atdığını vurğulayıb.Lavrov həmçinin qeyd edib ki, Rusiya heç vaxt Krım, Donbas və Novorossiya ərazilərini ələ keçirməyi qarşısına məqsəd qoymayıb.
Onun sözlərinə görə, Rusiyanın əsas məqsədi həmin bölgələrdə tarixən yaşamış və fəaliyyət göstərmiş rusların müdafiəsidir.
Nazir əlavə edib ki, Rusiya ilə Ukrayna liderlərinin iştirakı ilə görüşlər ciddi hazırlıq tələb edir və Moskva danışıqların heç bir formatından – nə ikitərəfli, nə də üçtərəfli formatdan imtina etmir.
Pərvin Hacıyeva
15:08 19.08.2025
Oxunuş sayı: 820
