İran və Ermənistan ikinci Norduz körpüsünün tikintisi barədə razılığa gəlib
İran və Ermənistan yol-nəqliyyat sahəsində əməkdaşlığı genişləndirmək üçün yeni addım atıb. Tərəflər ikinci Norduz körpüsünün tikintisi, mövcud körpünün təmiri, terminalların tənzimlənməsi və yük maşınları üçün rüsumların yenidən nəzərdən keçirilməsi barədə ilkin razılıq əldə ediblər. Bu barədə İranın yol və şəhərsalma naziri Fərzənə Sadiq açıqlama verib.
Crossmedia.az bildirir ki, nazir həmçinin Fars körfəzi ilə Qara dənizi birləşdirəcək strateji dəmir yolu layihəsinin irəlilədiyini deyib. Onun sözlərinə görə, İranda Culfa istiqamətində dəmir yolu mövcuddur və bu xəttin Naxçıvandan İrəvana qədər uzadılması təsdiqlənib. Nazir əlavə edib ki, həmin dəmir yolu İran, Azərbaycan, Ermənistan və Avropa arasında tranzit əlaqələrində mühüm rol oynaya bilər.
Mehriban Yariyeva
12:58 19.08.2025
Oxunuş sayı: 5715
