Avropa liderləri Tramp ilə görüşdə “tərif diplomatiyasına” əl atdı
Avropa liderləri Vaşinqtonda ABŞ Prezidenti Donald Tramp ilə danışıqlara “təriflə silahlanaraq” gəliblər.
Crossmedia.az xəbər verir ki, Kanadanın The Globe and Mail qəzeti yazır ki,İlk dəfə idi ki, bu qədər Avropa lideri eyni vaxtda ABŞ paytaxtında toplaşırdı. Ağ Evin 225 illik tarixində az hallarda bu qədər qarşılıqlı tərif və heyranlıq nümayiş olunub.
Bu yanaşma Ukrayna Prezidenti Volodimir Zelenskinin əvvəlki Ağ Ev səfərində yaşanan diplomatik uğursuzluğu təkrarlamamaq üçün seçilib. Çünki söhbət yalnız reputasiyadan deyil, həm də Ukraynanın gələcəyindən və Avropanın təhlükəsizliyindən gedirdi.
Zelenski və Aİ liderlərinin əsas məqsədlərindən biri Trampı Rusiya Prezidenti Vladimir Putinin diplomatik təsirindən uzaqlaşdırmaq olub. Bu səbəbdən onlar Trampa yanaşmada “tərifi ən yaxşı vasitə” hesab ediblər.
Nigar Rəhimova
12:29 19.08.2025
Oxunuş sayı: 7006
