Belarus və İran strateji tərəfdaşlığı genişləndirir
Belarus Prezidenti Aleksandr Lukaşenko və İran Prezidenti Məsud Pezeşkian arasında rəsmi görüş 20 avqustda Minskdə baş tutacaq. Belə ki, İran lideri ölkəyə 19 avqustda rəsmi səfərlə gələcək.
Crossmedia.az xəbər verir ki, bu barədə xarici KİV məlumat yayıb.
Məlumata görə, görüş Müstəqillik Sarayında həm dar, həm də geniş formatda keçiriləcək. Tərəflər ticarət, investisiya, sənaye kooperasiyası, eləcə də elm, texnologiya və təhsil sahələrində əməkdaşlıq imkanlarını müzakirə edəcəklər.
Səfər çərçivəsində Belarus və İran arasında bir sıra yeni sənədlərin imzalanacağı gözlənilir. Liderlər həmçinin beynəlxalq təşkilatlar – AİƏT, ŞƏT, BRİKS və BMT çərçivəsində əməkdaşlıq məsələlərinə də toxunacaqlar.
Qeyd edək ki, regional və qlobal təhlükəsizlik də gündəmdə olacaq əsas mövzulardan biridir.
Fatimə Məmmədova
12:24 19.08.2025
Oxunuş sayı: 5461
