HƏMAS Qahirədə yeni atəşkəs təklifi aldı
Fələstin hərəkatı HƏMAS-ın nümayəndə heyəti Qahirədə İsraillə münaqişənin həlli üzrə vasitəçilərlə görüş keçirib və Qəzza zolağında atəşkəsə dair yeni təklif alıb.
Crossmedia.az xarici mətbuata istinadən xəbər verir ki, bu barədə adı açıqlanmayan fələstinli rəsmisi məlumat verib.
“HƏMAS nümayəndə heyəti Misir və Qətər vasitəçilərindən atəşkəsə dair yeni təklif alıb”, – deyə o bildirib.
Deyilənə görə “təklif uzunmüddətli atəşkəs üzrə danışıqların başlanması üçün çərçivə sazişi xarakteri daşıyır”.
Məlumata əsasən, saziş layihəsinə ABŞ tərəfindən əvvəllər irəli sürülmüş bəndlər də daxildir. Buraya 60 günlük atəşkəs və girovların iki mərhələdə azad olunması məsələsi daxildir. HƏMAS rəhbərliyi təqdim edilən variantı müzakirə edəcək və qərar verəcək.
Pərvin Hacıyeva
17:54 18.08.2025
Oxunuş sayı: 967
