Almaniya təyyarəsində yanğın: İtaliyaya təcili eniş edildi
Yunanıstanın Korfu adasından Düsseldorf istiqamətində uçan Almaniyanın Condor aviaşirkətinə məxsus təyyarə havaya qalxdıqdan dərhal sonra yanğın hadisəsi ilə üzləşib. Təyyarədə 263 sərnişin və 8 ekipaj üzvü olub.
Crossmedia.az bildirir ki, Boeing 757-300 tipli təyyarənin mühərriklərindən biri alovlanıb və pilotlar təcili olaraq İtaliyanın Brindizi şəhərinə eniş etmək qərarı veriblər. Təyyarə uğurla eniş edib, sərnişinlər xəsarət almadan təxliyə olunublar.
Aviaşirkət nümayəndələrinin sözlərinə görə, yanğının səbəbi mühərrikə hava verilişində yaranan nasazlıq olub. Şəhərdə otellərdə boş yerlərin çatışmaması səbəbindən bir çox sərnişinlər gecəni hava limanında keçiriblər. Condor şirkəti isə Brindiziyə əlavə təyyarə göndərərək sərnişinlərin Düsseldorf-a çatdırılmasını təmin edib.
Mehriban Yariyeva
11:23 18.08.2025
Oxunuş sayı: 5666
