Erməni katolikos: “Vaşinqton razılaşması xalqa obyektiv yanaşma ilə təqdim edilməlidir”
“Vaşinqton razılaşması xalqa obyektiv yanaşma ilə təqdim edilməlidir”.
Bunu Böyük Ev Kilikiya katolikosu I Aram deyib.
Crossmedia.az xəbər verir ki, onun sözlərinə görə, son günlər ABŞ paytaxtında, ABŞ prezidentinin vasitəçiliyi və iştirakı ilə imzalanan Ermənistan-Azərbaycan razılaşması, şübhəsiz ki, özünəməxsus bir hadisə idi.
“Ermənistanla bağlı qeyd olunan razılaşmanın qısamüddətli və ya uzunmüddətli, müsbət və ya mənfi nəticələrinin qiymətləndirilməsini siyasi analitiklərə buraxacağıq. Lakin xatırlatmaq istəyirəm ki, Ermənistan nəzərə almalıdır: birtərəfli güzəştlərlə, şərti prinsiplərlə və xüsusilə də ikili məqamlarla dolu hər hansı sülh razılaşması Ermənistan üçün ciddi təhlükə ola bilər. Buna görə də qeyd olunan razılaşma xalqa obyektiv yanaşma ilə təqdim edilməlidir.
Zəruridir ki, razılaşma ilə bağlı xalqın da söz haqqı olsun. Xatırlatmaq istəyirəm ki, bu gün Ermənistan geosiyasi qüvvələrin toqquşma meydanına çevrilmək təhlükəsi ilə üz-üzədir”, - deyə o bildirib.
11:21 18.08.2025
Oxunuş sayı: 719
