İran rəsmisi: “ABŞ və İsraillə yeni müharibə istənilən an başlaya bilər”
İranın ali lideri Əli Xameneinin baş hərbi müşaviri Yəhya Rəhim Səfəvi bəyan edib ki, ABŞ və İsraillə yeni müharibə istənilən an başlaya bilər.
Crossmedia.az xarici mətbuata istinadən xəbər verir ki, Səfəvi İran mediasına açıqlamasında bildirib ki, tərəflər arasında heç bir protokol və ya razılaşma yoxdur: “Biz atəşkəs vəziyyətində deyilik, biz müharibə vəziyyətindəyik. Mən düşünürəm ki, daha bir müharibə baş verə bilər və bundan sonra artıq müharibələr olmayacaq”.
Onun sözlərinə görə, ABŞ və İsrail güc vasitəsilə sülh yaratdıqlarını iddia edir. “Buna görə də İran da güclü olmalıdır, çünki təbiət sistemində zəiflər tapdalanır. Biz diplomatik, media, raket, pilotsuz və kiberhücum strategiyamızı gücləndirməliyik. Biz, hərbçilər, müxtəlif ssenarilər hazırlayır, ən pis ssenarini nəzərdən keçirir və ona uyğun plan qururuq”, — deyə o, əlavə edib.
Pərvin Hacıyeva
09:44 18.08.2025
Oxunuş sayı: 635
