Ermənistan Müdafiə Nazirliyi yayılan məlumatları təkzib etdi
Ermənistan Müdafiə Nazirliyi Azərbaycan Silahlı Qüvvələrinin Cermuk (İsti-Su – red.) istiqamətində irəliləməsi ilə bağlı yayılan xəbərlərin həqiqəti əks etdirmədiyini açıqlayıb.
Crossmedia.az erməni medyasına istinadən bildirir ki, nazirliyin yaydığı açıqlamada qeyd olunub ki, mətbuatda və sosial şəbəkələrdə “Azərbaycan Ordusunun Cermuk istiqamətində irəliləməsi” barədə dezinformasiyalar yayılmağa davam edir:
“Bu yolla guya irəliləyiş nəticəsində mövqelərdə dəyişikliklər baş verdiyi təəssüratını yaratmağa cəhd edilir ki, bu da həqiqəti əks etdirmir”, – deyə açıqlamada bildirilir.
Rəsmi qurum həmçinin cəmiyyəti yalnız Müdafiə Nazirliyinin yaydığı rəsmi məlumatlara etibar etməyə çağırıb.
Zəhra Ağayeva
22:19 15.08.2025
Oxunuş sayı: 995
