İran Ermənistan-Azərbaycan sülh sazişini alqışladı
İranın birinci vitse-prezidenti Məhəmməd Rza Aref Qırğızıstanda keçirilən Avrasiya Hökumətlərarası Şuranın geniş iclasında bildirib ki, İran Ermənistan və Azərbaycan arasında sülh sazişinin paraflanmasını alqışlayır və ölkələrin ərazi bütövlüyünə hörmət edilməsinə dair dəyişməz mövqeyini qoruyur.
Crossmedia.az xarici mətbuata istinadən xəbər verir ki, onun sözlərinə görə, üçüncü tərəflərin region işlərinə müdaxiləsi dayanıqlı təhlükəsizliyə xidmət etməyəcək.
“İran, regionda sülh və sabitliyin möhkəmləndirilməsinin vacibliyini vurğulayaraq, Ermənistan və Azərbaycan arasında sülh sazişini alqışlayır və ölkələrin ərazi bütövlüyünə hörmət edilməsinə dair mövqeyini dəyişmədən bildirir ki, xarici ölkələrin müdaxiləsi davamlı təhlükəsizliyə töhfə verməyəcək”, – deyə Aref qeyd edib.
Pərvin Hacıyeva
12:45 15.08.2025
Oxunuş sayı: 5653
