İran və Rusiya rəsmiləri Cənubi Qafqazdakı vəziyyəti müzakirə ediblər
İranın xarici işlər naziri Əraqçi Rusiya XİN-in Azərbaycan-Ermənistan münasibətlərinin normallaşdırılması üzrə xüsusi nümayəndəsi İqor Xovayevi qəbul edib.
Crossmedia.az xəbər verir ki, regionda baş verən son hadisələr müzakirə edilərək iki ölkə arasında əməkdaşlığın davam etdirilməsi və gücləndirilməsinin zəruriliyi vurğulanıb.
Xovayev Cənubi Qafqazdakı məsələlərin region ölkələrinin iştirakı ilə sülh yolu ilə həllinin zəruriliyini qeyd edib. O, həmçinin “regional problemlərin həlli, əməkdaşlığın genişləndirilməsi, regional inteqrasiya, təhlükəsizliyin, sabitliyin və Qafqaz regionu ölkələrinin kollektiv maraqlarının təmin edilməsi üçün” danışıqların 3+3 formatında aparılmasının zəruriliyini qeyd edib.
22:30 13.08.2025
Oxunuş sayı: 933
