ABŞ rəsmisi Ukraynada İsrail tipli atəşkəs modelini dəstəkləyib
ABŞ prezidentinin xüsusi nümayəndəsi Uitkoff Ukraynada atəşkəsin İsrailin İordan çayının Qərb sahilindəki işğal modeli əsasında həyata keçirilməsi ideyasını dəstəkləyib.
Crossmedia.az xarici mətbuata istinadən xəbər verir ki, bu ssenariyə görə, Rusiya işğal olunmuş Ukrayna əraziləri üzərində hərbi və iqtisadi nəzarəti ələ alır, lakin ölkənin sərhədləri “kağız üzərində” toxunulmaz qalır. Belə bir razılaşma, Ukraynanın konstitusiyanın tələb etdiyi kimi, sərhədlərin dəyişdirilməsi ilə bağlı ümumxalq referendumunu keçirməməsini nəzərdə tutur.
Qeyd olunur ki, bu məsələ Uitkoffun yaxın vaxtlarda Moskvaya səfəri zamanı müzakirə edilib.
Pərvin Hacıyeva
22:23 13.08.2025
Oxunuş sayı: 7781
